कतारका पूर्वअमिर महामहिम शेख हमाद बिन खलिफा अल थानी को असामयिक निधनप्रति नेपाल सरकार तथा नेपाली जनताको तर्फबाट गहिरो शोक र हार्दिक समवेदना व्यक्त गर्न उपराष्ट्रपति यादव कतार भ्रमणमा रहनुभएको हो।
भेटका क्रममा उपराष्ट्रपति यादवले कतारी अमिर, शाही परिवार तथा मित्रवत् कतारी जनताप्रति हार्दिक समवेदना व्यक्त गर्दै यस दुःखद घडीमा धैर्यधारण गर्ने शक्ति प्राप्त होस् भन्ने कामना गर्नुभयो। साथै उहाँले सम्माननीय राष्ट्रपति रामचन्द्र पौडेल का तर्फबाट प्रेषित शोक तथा समवेदनापत्र कतारका अमिर महामहिम शेख तमिम बिन हमाद अल थानीलाई हस्तान्तरण गर्नुभयो।
उपराष्ट्रपतिको सचिवालयका अनुसार उक्त भेटवार्तामा नेपाली भ्रमण दलका सदस्यहरू तथा कतार सरकारका उच्च पदस्थ अधिकारीहरूको समेत उपस्थिति रहेको थियो।
+ There are no comments
Add yours